Pyetje të shpeshta
Gjithçka që duhet të dini për eSIM-et tona, para blerjes, gjatë instalimit dhe në udhëtim.
Para blerjes
Çfarë është eSIM-i?
eSIM-i është një kartë SIM dixhitale që instalohet në telefon me një kod QR, pa kartë fizike. Funksionon njësoj si një kartë SIM e zakonshme për internetin celular.
Si e di nëse telefoni im mbështet eSIM?
Telefononi *#06#. Nëse shfaqet numri EID, telefoni mbështet eSIM. Mund të shikoni edhe listën tonë të pajisjeve të përputhshme. Telefoni duhet të jetë i zhbllokuar.
A përfshin paketa thirrje dhe SMS?
Jo. Paketat janë vetëm për internet. Mund të telefononi dhe të shkruani përmes aplikacioneve si WhatsApp, Viber ose Messenger.
Cili është ndryshimi mes paketës së vendit dhe asaj rajonale?
Paketa e vendit funksionon vetëm në një shtet dhe zakonisht është më e lirë. Paketa rajonale funksionon në të gjitha shtetet e rajonit, e përshtatshme nëse udhëtoni në disa vende.
A ka kosto shtesë?
Jo. Çmimi që shihni në paketë është shuma që paguani.
Instalimi
Kur duhet ta instaloj eSIM-in?
Para nisjes, kur jeni në shtëpi dhe të lidhur me Wi-Fi. Instalimi zgjat rreth një minutë dhe ditët e paketës nuk nisin derisa të lidheni në destinacion.
A mund ta përdor kodin QR më shumë se një herë?
Jo. Kodi QR funksionon vetëm një herë. Pasi ta instaloni, mos e fshini eSIM-in nga telefoni deri në fund të udhëtimit.
Si e instaloj pa skanuar kodin QR?
Te faqja e eSIM-it gjeni adresën SM-DP+ dhe kodin e aktivizimit. Në cilësimet e telefonit zgjidhni instalimin manual dhe kopjojini aty.
Gjatë udhëtimit
Kur fillon të numërohet vlefshmëria?
Kur eSIM-i lidhet për herë të parë me një rrjet në destinacion. Instalimi para nisjes nuk i harxhon ditët.
A mund ta mbaj kartën SIM shqiptare në telefon?
Po. Telefonat me eSIM mbajnë njëkohësisht edhe kartën fizike. Përdorni eSIM-in për internet dhe kartën tuaj për thirrje, nëse e dëshironi.
Si e shoh sa internet më ka mbetur?
Hyni në llogari dhe hapni “eSIM-et e mia”. Aty shihni internetin e përdorur, sa ju ka mbetur dhe kur skadon paketa.
Çfarë ndodh kur mbaron interneti ose skadon paketa?
Lidhja me internet ndalon. Mund të blini një paketë të re për të njëjtin destinacion në çdo kohë.
Pagesat
Si mund të paguaj?
Me kartë bankare online, direkt te faqja e porosisë.
Në çfarë monedhe janë çmimet?
Të gjitha çmimet janë në euro.
Doni të shihni të gjithë procesin?
Udhëzuesi hap pas hapi nga blerja deri te lidhja në destinacion.